t hof van commerce - t beste moe nog komn

Peist erover,
de muzzik e verskillend
'te een andere frequentie.
Je zit toch nie content gie.
Met ’t gene da ze draai’n ip de radio,
Ik goa in studio en moak’n e ploate.
Ik drinke woater.
Ik vulle goat’n me silicone.
Ik komme buttn, ik zie u ligg’n.
En ‘k loat u ligg’n.
Skrief et ip.
Ik ben getipt vo ‘t hof
en ‘k kom er nooit mir of.
Van menne scale lik draf,
lik elektriek.
Ik loat u trill’n.
Van uw tett’n nor uw bill’n.
’t e nie vree roar vo mien te will’n.
‘k ben mediageil.
Lik een beenhouwerinne uit ingelmunster.
Wuk e de kunste?
E de situatie gunstig?
‘k zet e mes ip uwe nekke,
Ik stekk’n rechts, ik stekk’n links.
En ‘k stekke in de midde,
En ‘k komn binn’n in jen hus.
‘k pakk’n je wuf en ‘k pakk’n ze goed.
Ze kronkelt lik e slange,
Z'it'n vast gelik e tange.
‘k Loop’n no butt’n,
’k breek’n de rutt’n.
‘k scheure me vel.
‘k e een kilo besteld.
‘k gebrui’e geweld.
Men toeren stoan in ol de gazett’n vermeld.
Ol de mens’n me een dochter en de fliks gebeld.
Ze sloan in paniek.
O me slange vervelt.
Jah, o me slange vervelt.

Ge zit ollik de piste niet in. (mobanink)
Ge zit ol heel d’n avond te blink’n. (joak verzekerst)
‘k Ben ier nog ma juste kerel. (ja en ton)
Zeg mie, wuk moeje gie nog e vo te drink’n? (jah, euh...)

't Beste moe nog komn
'k oede mi vann dommen
Ik eb de kriebels in me bloed en kwee nie waarom.
‘k Ben zodanig zat,
‘k zoek’n de boane in stad
zonder koart of blad.
‘k spring’n in ’t woater
en 't woater speit omhoge ip de moane nat.
Ik ben ne wortel,
Mo wortels kunn’ nie zwemmen in't woater.
Ik bluve drivn,
En morgen e ‘k zeker e koater.
Ik ben oranje en zoet;
'k Goa noa Spanje ak moete.
De fliks! E manje gin boete,
Ik voere campagne vo ’t goete.
Ah fuck, ik wilde nuchter zin.
Minder schuchter zin.
Veel beruchter zin.
Kluchtig zin.
Behoort dat ollemoale tot de meugelikheed’n?
‘k Weet et niet.
’t Goa beestig zien,
Dikke vette feeste zin.
Bluv mo skuv’n.
Ge moe nie butt’n bluv’n,
komt ier de sfeer opsnuv’n.
Ge zijt ol simpele duv’n.
Een bende lelijke wuv’n.
‘k zegg’n: ’t goat ier nog stuv’n.
Nog e bitje meer volk en we zien geplet lik druv’n.

Ge zit ollik de piste niet in. (mobanink)
Ge zit ol heel d’n avond te blink’n. (joak verzekerst)
‘k Ben ier nog ma juste kerel. (ja en ton)
Zeg mie, wuk moeje gie nog e vo te drink’n? (ja euh...)
Ge zit ollik de piste niet in. (nink ee)
Ge zit ol heel d’n avond te blink’n. ('t zal woa zien)
‘k Ben ier nog ma juste kerel. (ja kwetet ol)
Zeg mie, wuk moeje gie nog e vo te drink’n? (aargh)

Joene shit e wack.
Joen beats trekk’n ip gin kloat’n.
Ge rapt vo de moate,
Joene show stinkt.
Je pick-up’s zin JB’s.
Je skoenn zin open;
‘k Zoen ip ginne verbetering hoopn.
Van de ver talent.
‘k vroag’n me of of da je eig’lik et wat va muziek kent.
Verzekerst zo vele nog nie da je wit over koedel in Gent.
Nu ja gow;
D’n eenn is acrobaat en d’n ander’n e clown.
Van d’n eenn is ’t vo de klucht en van d’n ander’n vo de show.
D’n eenn rockt in Torhout,
En d’n ander’n e d’n DJ ip nen trouw.
D’n eenn kokt,
En d’n ander’n e me ruzze lauw.
Kreppeloars!
De groupies voll’n flouw.
Ze ligg’n gestapeld in lagen.
‘k roape ze ip van de grond.
‘k goa ze spoaren vo loater.
En gebruik’n in u'n us.
‘k Goa mezelf’n exposeern lik een onderbroek
zonder krus.
‘k geve vulle commentaar.
In grote supplus.

‘k ben den besten ip joenen LP.
’t Zol je leer’n van te vraag’n,
leverancier doe nie mee.
En ton nog zegg’n da ‘k et doen vo de sport.
De maniere da j’ gie bezig ziet e ‘k wee nie oe vort.
Full-time rocksterre zin e wuk dakkik doe.
Achter ol die joar’n ben kik zo taai lik caoutchouc
Mo ’t e vo mie dak benne en wuk dakkik doe.
En van de reste krigge kik nen dégout.

Ge zit ollik de piste niet in. (echt nie)
Ge zit ol heel d’n avond te blink’n. (ei joengne)
‘k Ben ier nog ma juste kerel. (ja k'ent g'hoort)
Zeg mie, wuk moeje gie nog e vo te drink’n? (goh)
Ge zit ollik de piste niet in (moatje leg ut stille)
Ge zit ol heel d’n avond te blink’n. (... een ki met een anderen joengne)
‘k Ben ier nog ma juste kerel. (je moet een ki kieken, ie got echt nie stille leg'n wi)
Zeg mie, wuk moeje gie nog e vo te drink’n? (ei dwoaze klwot vint)


All rights belong to their respective owners
Lyrics used as fair use. If you are the owner of the rights belonging to one of the shown lyrics, please let me know so I can add it to the lyric, and/or I can put up a link that points to your website. If you do not want the lyric to be visible, please let me know too, so I can remove it